房车沿着蜿蜒既山路而下，不疾不徐，驶入好似森林一样既大楼之间。我手握軚盘，脚以一定力度踩住油门。陈生坐向后座，好似收音机咁讲个唔停。我静静听住，有时发出「嗯嗯嗯」点头和应。

陈生系一个到处可见、极其普通既中年男人，同样既人，只要向午饭时间，向中环走一转，大概可以见到三四百个，然后转个街角又会忘记得一干二净。但普通既外表被健谈弥补，只要陈生一开口，就畀人饱经风霜既感觉。似乎佢讲既每一句都饶富意味既感觉，可能半日都唔困，头垫住枕头谂住一句又一句语不惊人誓不休既对白。

车系大门前停定，好似动物园一样既大门。

「唔该晒。晏尐见。」陈生落车时面上挂住亲切既笑容，我尽量以相当既笑容挥手告别。我双手搭系軚盘，望住陈生既背影穿过大门，消失系大堂深处。然后一直谂住各样已经消失既事物，直到后面既车响咹。起初短促既「咇—咇—」，之后变成抢答游戏一样揿实喇叭既长响，我先回过神然后离开。时间好似老鼠翻过既食物一样混乱，可能有五秒，十秒，三十秒。又可能有一分钟，五分钟，甚至系十分钟。

我泊好车，到附近既茶餐厅食早餐。茶餐厅向一条小巷之中，小巷无堆积既垃圾，无横过既老鼠。或者入夜会有，至少而今冇。小巷有既系两边既食肆，同中间两排长长既铁皮摊档。档身油上绿漆，好似巴黎大道既树木一样。摊档里面有皮带、丝巾、T裇、饰物、旗袍；档口之间有一脸好奇既金发妇人，有手揸相机顶住啤酒肚既鬼佬；有一头电发既阿婶，有小心珍惜顶上最后一撮头发既阿叔，有满头白发既婆婆，有一手托住老花镜埋首马经既伯伯。人声沸腾，混杂而出，各种叫喧。「How much?」「搓搓！搓搓！」「啡喱戚！啡喱戚！」「听！」「听ti!」。人人叽哩呱啦吱吱喳喳，指手划脚，彷如置身哈利波特所描写既活米村一样。

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.6ppxs.com

(＞人＜；)