我冲完凉，坐向床边，嘲笑声好似某种古老咒语一样依然徘徊向耳边，往返于意识既边缘。挥之不去。应该又系一个唔会有睡意既夜晚，所以我落楼去厨房。

我而今寄住向陈生屋企。大屋只有陈生一个人住，所以空房多到好似酒店一样。为左工作方便，陈生就畀我寄住系度，屋企既日用品食物之类亦都随我用。佢毫不在乎，话：「反正你唔住都只系吉出来，又方便你做野。你就住向度啦。尔度尐野你都随便用，反正有工人会补货。如果你有乜想要同工人讲就得。钱方面唔使同我客气。你就当做员工褔利。」

陈生屋企收藏好多酒，好多唔同种类既酒。红酒、白酒、烈酒、甜酒。甚至有一个起向地牢既酒窖。不过我只系去厨房拎啤酒。当真正需要酒既时候，根本就唔会介意饮既系乜酒。所以我将半打啤酒装向冰桶拎上房。

我向露台既扶手椅坐低。已经五月中，不过夜晚山上既海风依然带住冬天既寒意。所以我向背心之外又着多件运动外套。我打开啤酒，一边回想已经失去既野，错过既野，远离既野，一边望住山下既大海。夜幕昏沉，星星同月亮都不见踪影。黑暗好似倒泻既墨水染满每个角落，将海、山、云都染成唔同深浅，形成有层次既黑暗。远远既海上有架大货船，向住海平线缓慢远去，好似货船既目的地系世界尽头，载既系将被放逐到世界尽头既人一样。四野静谧，鸟儿都已经回巢，松鼠正抱住松果沉睡，船鸣声隐约传入耳际，好似求救声一样。

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.6ppxs.com

(＞人＜；)